சிறப்பு TNTET முடிவுகள் இன்று இரவு: இறுதி விடைக்குறிப்புடன் TRB வெளியீடு
ஆசிரியர் தேர்வு வாரியம் (TRB) சிறப்பு TNTET.1 தாள்-I, தாள்-II தேர்வு முடிவுகளை இன்று (2026 அக்டோபர் 12) இரவு வெளியிடுகிறது. இம்முடிவுகள் இறுதி விடைக்குறிப்புடன் (Final Answer Key) சேர்த்து வெளியாகின்றன.
அறிவிக்கை எண்.01/2026 தொடர்பான இத்தேர்வு, அரசு, அரசு உதவிபெறும் மற்றும் தனியார் பள்ளிகளில் பணிபுரியும் ஆசிரியர்களுக்கானது. தாள்-I 04.07.2026 அன்றும், தாள்-II 05.07.2026 அன்றும் நடத்தப்பட்டது. தற்காலிக உத்தேச விடைக்குறிப்பு மற்றும் ஆட்சேபணை கண்காணிப்பு வசதி 15.07.2026 அன்று www.trb.tn.gov.in இணையதளத்தில் வெளியிடப்பட்டது. தேர்வர்களின் ஆட்சேபணைகள் அனைத்தும் பாடவாரியாக நிபுணர்குழுவால் ஆய்வு செய்யப்பட்டன.
அரசாணை (நிலை) எண்.23, பள்ளிக் கல்வித் (TRB) துறை, நாள் 28.012026 மற்றும் அரசாணை (நிலை) எண்.46, பள்ளிக் கல்வித் (TRB) துறை, நாள் 25.02.2026 ஆகியவற்றில் தெரிவிக்கப்பட்ட குறைந்தபட்ச தகுதி மதிப்பெண்களின் அடிப்படையில் OMR விடைத்தாள்கள் மதிப்பீடு செய்யப்பட்டுள்ளன. இதன் அடிப்படையில் இறுதி முடிவுகள் வெளியாகின்றன.
இத்தேர்வில் தகுதி பெற்ற தேர்வர்கள் 5 நாட்களில் தங்களது e-certificate எனப்படும் தகுதிச் சான்றிதழை ஆசிரியர் தேர்வு வாரிய இணையதளமான www.trb.tn.gov.in வழியாகப் பதிவிறக்கம் செய்துகொள்ளலாம்.
புதுச்சேரி அரசு, பள்ளிக் கல்வித்துறை செயலரின் நேர்முக கடித எண் M.17076(76)/33/2026, Academic Wing, JD/DSE, நாள் 11.05.2026 அடிப்படையில், அந்தத் தேர்வர்களுக்கு அவர்களுடைய மதிப்பெண்கள் மட்டும் TRB வாரியத்தால் வெளியிடப்படும். அவர்களின் ஆசிரியர் தகுதித் தேர்வுச் சான்றிதழ் புதுச்சேரி அரசு பள்ளிக் கல்வித்துறையால் வழங்கப்படும்.
மூலம்: Kalviseithi, 2026 அக்டோபர் 12 வெளியீடு.
மூலத் தகவல்: மூலப் பக்கத்தைப் பார்க்கவும்