சிபிஎஸ்இ பள்ளிகளில் டிஜிட்டல் பணப்பரிவர்த்தனை ஊக்கம்: சுற்றறிக்கை என்ன சொல்கிறது?

சிபிஎஸ்இ பள்ளிகளில் டிஜிட்டல் பணப்பரிவர்த்தனை ஊக்கம்: சுற்றறிக்கை என்ன சொல்கிறது?

மத்திய இடைநிலைக் கல்வி வாரியம் (சிபிஎஸ்இ) வெளியிட்டுள்ள சுற்றறிக்கையில், பள்ளிகளின் பல்வேறு நிதி நடவடிக்கைகளில் டிஜிட்டல் பணப்பரிவர்த்தனை முறையை ஊக்குவிக்க வேண்டும் எனத் தெரிவிக்கப்பட்டுள்ளது. டிஜிட்டல் பணப்பரிவர்த்தனையை ஊக்குவிக்கும் திட்டத்தை மத்திய நிதித் துறை உருவாக்கியுள்ளது என்பது இதற்குக் காரணமாகக் கூறப்பட்டுள்ளது.

அதன்படி, பள்ளிக் கட்டணம், உணவகம், நூலகம் உள்ளிட்ட சேவைகளுக்கான கட்டணங்களைச் செலுத்த யுபிஐ போன்ற டிஜிட்டல் பணப்பரிவர்த்தனை முறைகளைப் பள்ளிகள் செயல்படுத்தலாம். இணைய இணைப்பு குறைவாக உள்ள பகுதிகளில் செயல்படும் பள்ளிகள் யுபிஐ லைட் போன்ற முறைகளைப் பயன்படுத்தலாம்.

பாதுகாப்பானதும் எளிமையானதுமான முறையில் கட்டணம் வசூலிக்க, பள்ளிகள் பாரத் பில் பேமென்ட் சிஸ்டம் தளத்தில் இணையலாம். டிஜிட்டல் பணப்பரிவர்த்தனை முறைகளைப் பாதுகாப்பாகப் பயன்படுத்துவது குறித்து பெற்றோருக்கு விழிப்புணர்வு ஏற்படுத்த வேண்டும். பள்ளி நிகழ்ச்சிகள் மற்றும் பெற்றோர்-ஆசிரியர் சந்திப்புகளின் போது இதுதொடர்பான விழிப்புணர்வு இயக்கங்களை நடத்தலாம் என சுற்றறிக்கையில் தெரிவிக்கப்பட்டுள்ளது.

செய்தி வெளியீடு: அக்டோபர் 7, 2026; மூலம்: கல்விசெய்தி.